Author name: varany college

வெளியாகியுள்ள உயர்தரப் பரீட்சை பெறுபேறுகளில் சிறந்த பெறுபறுகளைப் பெற்ற எமது மாணவச் செல்வங்களைப் பாராட்டி வாழ்த்துவதுடன் அவர்களை வழிப்படுத்திய கல்லூரியின் ஆசிரியர்குழாமிற்கும் பாராட்டுக்களையும் வாழ்த்துக்களையும் தெரிவிப்பதில் பெருமகிழ்வடைகின்றது கல்லூரிச்சமூகம் .

கல்லூரியின் தற்போதய அதிபராக திரு.இ.கோகுலராகவன் அவர்கள் 07.02.2025 அன்று கடமையேற்றுள்ளார். அவர்களின் பணி சிறக்க எல்லாம் வல்ல இறைவைவேண்டி வரவேற்கின்றனர் கல்லூரி சமூகத்தினர்,பழையமாணவர்கள் மற்றும் நலன்விரும்பிகள்

கல்லூரியின் வருடாந்த இல்ல மெய்வல்லுனர் திறனாய்வுப் போட்டியானது கல்லூரியின் அதிபர் தலைமையில் 25.02.2025 அன்று இடம்பெற்றது.நிகழ்வில் கல்லூரியின் பழைய மாணவரும் வெளிவிவகார அமைச்சு,வெளிநாட்டு வேலைவாய்ப்பு மற்றும் சுற்றுலாத்துறையின் சிரேஸ்ட உதவிச் செயலாளருமாகிய திரு.க.நிகரில்காந் அவர்கள் பிரதம விருந்தினராக கலந்து சிறப்பித்திருந்தார்.

கல்லூரியின் 2024 ஆம் ஆண்டிற்கான பரிசில் நாள் நிகழ்வும், “வருணி” வருடாந்த சஞ்சிகை வெளியீட்டு நிகழ்வும் 24.01.2025 அன்று பிரதி அதிபர் திரு . தெ. செந்தூரன் தலைமையில் இடம்பெற்றது .இந்நிகழ்வில் பிரதம விருந்தினராக வடக்கு மாகாண பிரதம செயலாளர் மதிப்பார்ந்த திரு. லட்சுமணன் இளங்கோவன் அவர்கள் கலந்து சிறப்பித்திருந்தமை குறிப்பிடத்தக்கது. நிகழ்வில் கடந்த வருட கல்லூரியின் சாதனையாளர்கள் கௌரவிக்கப்பட்டதுடன், கடந்த ஆண்டின் கல்லூரி நிகழ்வுகளின் தொகுப்பான “வருணி” வருடாந்த சஞ்சிகையும் வெளியிட்டு வைக்கப்பட்டது.

ஒவ்வொரு தவணையும் தவணைப்பரீட்சை நிறைவடைந்த பின்னர் இடம்பெறும் தேர்ச்சி அறிக்கை வழங்கப்படும் நிகழ்வில் குறித்த தவணையில் வகுப்பு ரீதியாக அதிஉயர் சராசரிப்புள்ளி பெறும் மாணவர்கள் விருது வழங்கி கௌரவிக்கப்படுகிறார்கள். இந்நிகழ்விற்கான பூரண அனுசரணையை கல்லூரியின் 2007O/L & 2010A/L பழையமாணவர் அணியினர் 2023 ஆம் ஆண்டு தொடக்கம் வழங்கி வருகிறார்கள். அந்த வகையில் 2024 ஆம் ஆண்டிற்கான மூன்றாம் தவணை பரீ்ட்சை நிறைவுற்று அதற்கான தேர்ச்சி அறிக்கை வழங்கும் நிகழ்வு 20.01.2025 கல்லூரியின் பிரதி அதிபர் தலைமையில் இடம்பெற்றது . இந்நிகழ்வில் தவணைக்கான சிறப்பு தேர்ச்சி சாதனையாளர்களும் கௌரவிக்கப்பட்டிருந்தனர்.இந்நிகழ்வானது மாணவர்களின் கற்றல் ஆர்வத்தை தூண்டியுள்ளதை அவதானிக்கமுடிகின்றது ஏனெனில் சில வகுப்புக்களில் ஒவ்வொரு தவணையிலும் இவ்விருதை வெவ்வேறு மாணவர்கள் தமதாக்கிக்கொள்கிறார்கள். அந்த வகையில் அவ் அணியினருக்கு கல்லூரி சமூகம் சார்பில் மனமார்ந்த நன்றிகளைத் தெரிவித்துக்கொள்கின்றோம்.

2025 ஆம் ஆண்டிற்கான தைப்பொங்கல் நிகழ்வானது 17.01.2025 வெள்ளிக்கிழமை அன்று பிரதி அதிபர் , ஆசிரியர்கள் ,மாணவர்கள் இணைந்து கொண்டாடப்பட்டது.